مرسته     |     دپاڼي نقشه     |     ننوتل
Rahat Gas
دخپریدو نیټه : 2017-09-26   مخپرونکئ : 039 - دبېنوا اداره - کابل

مالیه ورکوونکو ته د غوره خدمتونو وړاندي کولو په موخه د اړیکو مرکز پرانیستل شو

راحیله جواد

د مالیې وزارت عوایدو لوی ریاست له لوري نن د تلې میاشتې په ۴ مه نېټه مالیه ورکوونکو ته د غوره خدمتونو وړاندي کولو په موخه د اړیکو مرکز (Call Center) د عوایدو او ګمرکونو مرستیال ښاغلي ډاکټر نجیب الله وردګ، خصوصي سکټور استازو، بهرنیو مرسته کوونکو، د عوایدو ریاست یو شمېر کارکوونکو او رسنیو په وړاندي په یوه خبرې ناسته کې پرانیستل شو.

یاد مرکز چې مالیه ورکوونکو ته به غوره خدمتونه وړاندي کوي، د هغوی ستونزې، شکایتونه او وړاندیزونه به هره ورځ د سهار له ۸ بجو د مازدیګر تر ۵ پنځو بجو اورېدل کېږي او د ۴۸ ساعتونو  به لوړو مقامونو سره به شریکېږي. دغه مرکز په عصري او نوې ټیکنالوژۍ د د امریکا محتده ایالیتونو پراختیایې نړیوالې ادارې (USAID) په مالي مرسته جوړ شوی او مسلکي کسان په دندو په کې ګمارل شوي دي.
د د امریکا محتده ایالیتونو پراختیایې نړیوالې ادارې (USAID) استازې ښاغلي پاول سیسک وویل، چې مالیه ورکوونکو ته عامه پوهاوی ډېر اړین دی او دا مرکز یې ښه لاسته راوړنه ده، چې یو اصلاحي اړخ لري.
د سوداګرۍ او صنایع خونې سرپرست ښاغلي خان جان الکوزي، وویل: د حکومت په کچه مالیې وزارت ښه ځلېدلی، دا مرکز د سوداګرو او خصوصي سکټور لپاره ښه زیرې دی. نوموړي زیاته کړه څومره چې تخنیکي برخه پیاوړې کېږي، د فساد کچه را ټیټېږی او موږ له مالیې وزارت سره په دې برخه کې تل همکار یو.

د یادونې وړ ده چې، مالیه ورکوونکي کولی شي، لاندې شمېرو له لارې خپل وړاندیزونه، شکایتونه او غوښتنې ثبت کړي. ۰۷۵۵۸۴۰۱۱۱- ۰۷۵۵۸۴۰۱۱۲-۰۷۵۵۸۴۰۱۱۳- ۰۷۵۵۸۴۰۱۱۴

aicts ipower spozmai radio
Answer Machine : + 1 (518) 5577770   --   USA Tel : +1 518 3662728   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2014   All Rights Reserved     Powered by:Benawa Network     Design by: Khalid Hadi Hiadery