مرسته     |     دپاڼي نقشه     |     ننوتل
دخپریدو نیټه : 2017-09-20   مخپرونکئ : 039 - دبېنوا اداره - کابل

پاڅه !

اسدالله غيرت



د شپې درېيمه برخه رارسيدلې ، هرې خواته چوپه چوپتيا خواره ده ، خلک په درانه خوب ويده دي ، د اسمان په ټټر ځليدونکي ستورې شغلې کوي ، شپه ورو ورو د سحر په طرف ور روانه ده ، نيږدې ده ، چې خپل ځای رڼا ته پريږدي .
پاڅه !
خپل محبوب خدای ج ته د سوال او زاريو ، عبادت او نيږدې کيدو بهترينې شيبې دي ، هغه شيبې چې د زړه آه او دعا پکې عرش ته رسيږي ، هغه شيبې چې د اسلام ستر لارښود يې د بهترينوالې ذکر کړی دی .
پاڅه !
د څراغ تتې رڼا ته له خپل محبوب خدای ج سره خپله مينه په ډاګه کړه ، خپل تندی د هغه محبوب خدای ج د رضايت په خاطر په خړو خاورو ولګوه ، په ژړا ژړا ترې د معفرت غوښتنه وکړه .
هله نو ؛ همدا د غوره عبادت او خدای ج ته د نيږدې کيدوبهترين وخت دی ، هغه وخت چې روح پکې سکون مومي او خدای ج ته پکې سړی نيږدې کيږي .

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery