مرسته     |     دپاڼي نقشه     |     ننوتل
benawa-etisalat
دخپریدو نیټه : 2017-07-12   مخپرونکئ : 039 - دبېنوا اداره - کابل

اچين ولسوالۍ کې تر اوږدو جګړو وروسته د بيارغونې چارې پيل شوې .

راحیله جواد
د ننګرهار په اچين ولسوالۍ کې تر اوږدو جګړو وروسته د لومړي ځل لپاره د بيارغونې چارې پيل شوې او خلک هيله من شوي چې دغه ولسوالۍ به بيا د وسله والو لاس ته نه لوېږي.
د ولسوالۍ يو شمېر قومي مشرانو په خپلو هلو ځلو او د دولت په همکارۍ د عبدالخېلو په سيمه کې د هغه بازار رغول پيل کړل چې لسګونه کاله وړاندې د دې سيمې يو تاريخي بازار و.
د معلوماتو له مخې، د عبدالخېلو بازار د پخواني پاچا ظاهرشاه د واکمنۍ پر مهال جوړ شوی و او بيا د نورمحمد ترکي د واکمنۍ پر مهال د هغه وخت د مخالفينو له لوري وسوځول شو.
د ځايي خلکو په وينا، له هماغې ورځې وروسته د عبدالخېلو بازار ته څوک له وېرې نه شول تللی او په دې وروستيو کې د داعش ډلې په ورتګ سره خو ترې د وسله والو مرکز جوړ شوی و.
خو په دې وروستيو کې پر دې ولسوالۍ د افغان او بهرنيو ځواکونو د هوايي بريدونو او ځمکنيو عملياتو په پايله کې سيمه له داعش ډلې پاکه شوې او ګڼې کورنۍ بېرته خپلو مېنو ته ستنې شوې دي.
aicts ipower mainport
Answer Machine : + 1 (518) 5577770   --   USA Tel : +1 518 3662728   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2014   All Rights Reserved     Powered by:Benawa Network     Design by: Khalid Hadi Hiadery