مرسته     |     دپاڼي نقشه     |     ننوتل
benawa-etisalat
دخپریدو نیټه : 2017-03-06   مخپرونکئ : 039 - دبېنوا اداره - کابل

د جانیخېلو له زیانمو شوو کورنیو سره مرسته وشوه.

benawa afghanistan
راحیله جواد
د پکتیکا ولایت د جانیخېلو ولسوالۍ له هغو زیانمو شوو کورنیو سره نغدي او دخوراکي توکو مرسته ترسره شوه چې څو اوونۍ وړاندې یې غړي د ماین په چاودنه کې شهیدان او ټپیان شول.

 

د پکتیکا ولایت د جانیخېلو ولسوالۍ له هغو زیانمو شوو کورنیو سره نغدي او دخوراکي توکو مرسته ترسره شوه چې څو اوونۍ وړاندې یې غړي د ماین په چاودنه کې شهیدان او ټپیان شول.

پکتیکا والي د دوشنبې په ورځ جانیخېلو ولسوالۍ ته ددوی د پوښتنې لپاره ورغی، د هر شهید وارث ته یې دیرش زره افغانۍ او هر ټپي ته یې پنځلس زره افغانۍ ورکړې.
دغه راز یې بیلابېل اړین خوراکي توکي هم پرې وویشل.

پکتیکا والي محمدالیاس وحدت یادو غمجنو کورنیو ته یو ځل بیا د تسلیت مراتب وړاندې کړل او زیاته یې کړه چې جانیخېلو ته یې د سفر موخه د ویرجنو کورنیو سره غم شریکي کول دي.

ښاغلي وحدت وویل، هڅه یې کړې چې په پېښه کې د زیانمو شوو کورنیو اړتیاووې په ګوته او د هغې مطابق مرسته ورکړي.

بل لورته د یادې پېښې زیانمن شوې کسان وایي چې بې له کوم دلیله ودردېدل او د کورنۍ ژوند یې تریخ شو.

دوی د مرستې په ترلاسه کولو خوښ دي او زیاتوي چې په دې سره به یې د ژوند اړتیاووې تر یوه بریده پوره شي.
د یادونې ده چې څو اوونۍ وړاندې د پکتیکا ولایت د جانیخېلو ولسوالۍ په بازار کې په یوه موټر سایکل کې ځای پر ځای شوو چاودېدونکو توکو درې تنه شهیدان او له شلو زیات ټپیان کړل چې ټول ملکي وګړي وو.

aicts mainport ipower
Answer Machine : + 1 (518) 5577770   --   USA Tel : +1 518 3662728   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2014   All Rights Reserved     Powered by:Benawa Network     Design by: Khalid Hadi Hiadery