مرسته     |     دپاڼي نقشه     |     ننوتل
دخپریدو نیټه : 2016-11-05   مخپرونکئ : 103 - دبېنواخبریال - کابل

کابل پریس کلب د خبریال نعمت الله زهیر وژل وغندل

Samoon
د کابل پریس کلب په نوم د افغان خبریالانو یوه مرکز له ټولو رسنیو غوښتي چې په نا امنو سیمو په ځانګړي ډول په هغو لایتونو کې چې جګړه په کې روانه ده خپل خبریالان د جنګ لومړۍ کرښې ته ونه لېږي. کابل پریس کلب په هلمند کې د اریانا نیوز د خبریال نعمت الله زهیر د وژل کېدو په اړه په خپله اعلامیه کې د دغه افغان خبریال وژنه غندلې ده او ټینګار يې کړی چې په هغو ولایتونو کې چې جګړه په کې روانه ده خبریالان په هیڅ صورت سره خوندي نه دي. د افغان خبریالانو دغه مرکز پر افغان حکومت په ځانګړي ډول پر امنیتي ارګانونو غږ کړی چې رسنیو ته د جګړې د لومړۍ کرښې په اړه معلومات برابر کړي. د اریانا نیوز خبریال نعمت الله زهیر د جمعې په ورځ د لښکر ښار په څڼده کې د ماین د چاودنې په نتیجه کې ووژل سو. د روان میلادي کال له پیل راهیسې په هلمند ولایت کې درې خبریالان وژل سوي دي.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery