مرسته     |     دپاڼي نقشه     |     ننوتل
دخپریدو نیټه : 2006-01-09   مخپرونکئ : 060 - دبېنواخبریال -کابل

د هند وتلي او نامتو ستوري عامر خان دويم واده وكړ

ساحل

د هند وتلي او نامتو ستوري عامر خان دويم واده وكړ

د هندۍ سينما باليووډ نامتو اداكار عامر خان د ډسمبر مياشتې په يودېرشمه نېټه له كيرن راو نومې نجلۍ سره دويم واده وكړ. كيرن راو له عامر خان سره په لګان فلم كې اسيسټېنټ ډايريكټره وه. د لګان فلم جوړېدو پر مهال دوى له يو بل سره وپېژندل او بيا چې كله عامر خان خپلې لومړۍ مېرمنې ته طلاق وركړ دواړو له بل سره د واده پرېكړه وكړه، دوى د واده دا خبره له ميډيا پټه ساتلې وه. د عامر خان او كيرن راو نكاح د ډېرو ساده مراسمو په ترڅ كې وتړل شوه، يانې يوازې د دوى كورنيو په كې گډون درلود. اوس د اخبارونو او ټلوېزونونو خبريالان د عامر خان د كور پر شا وخوا ګرځي او په دې تمه دي، چې كله به د عامر خان او كيرن راو خبرې او تصويرونه تر لاسه كړي. ويل شوي دي چې راروانې درې ورځې به عامر خان او كيرن راو د هند په غرنۍ سيمه پنجګلي كې تېروي او هورې به دوى خلكو ته د واده ډوډۍ وركوي، په دې ډوډۍ كې به د باليووډ نور لوى_لوى ستوري هم گډون كوي.

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery