مرسته     |     دپاڼي نقشه     |     ننوتل
دخپریدو نیټه : 2011-05-05   مخپرونکئ : 039 - دبېنوا اداره - کابل

مورې

زرلښت حفیظ

اې زما ګرانې قدر دانې مورې
ټوله نړۍکې قهرمانې مورې
پيغمبران هم ستادغيږې بچي
د ټو ل دنړۍ د ليډرانو مور يې
****
مورې ماشومه وم تا لويه کړمه
دژونداخلاق سره دپويه کړمه
دنيمو شپو دالله هو سندرې
په جان قربان کې دللو سندرې
****
تا لاالا او الا الله وښوده
تا راته نوم دپاک مولا وښوده
په تورو شپو کې به چې وژړيدم
تابه خندا کې سپين سبا وښوده
****
مورې چې زه دلارې تګ شولمه
يوه سره ګلاب په شانته وغوړيدې
ماچې وړې وړې خبرۍ کول
ته به ګړۍ په ګړۍ وخنديدې
****
تابه ويل چې ډيوه ګې شې لورې
زما ارمانونو ته زولۍ شې لورې
په لپه لپه به دوعاګانۍ درکړم
که ته قابله دسيالې شې لورې
****
مورجانې هو زه ډيوګۍ شولم
ستا ارمانونو ته زولې شولم
پردې وطن کې شهزادګۍ شولم
پرديسي ژوندته مې سلګۍ شولم
****
اوس دملکونو مسافر ه يمه
تا ليداې نشم ډير اوتره يمه
په نيمو شپوکې راته ته ياديږې
قسم په خداې چې هرغرمه ياديږې
****
زه چې سهار دکوره ووځمه
ستا ددوعا په تمه شاته ګورم
مخ چې مې اړومه هيڅوک نه وي
يو څورڼۍ اوښکې رڼا ته کورم
****
دماشومتوب دشپۍ سبامې يادشي
ستاپه لاسنو کې دوعا مې ياد شي
رڼۍ رڼۍ اوښکې په مخ مې راشي
ستادخوږې مينې مسکامې يادشي
****
مورې دوعاګانو کې مې مه هيروه
غواړم چې در شمه کمکۍ مې کړه
بيا مې په خپله مينه ونازوه
بيا يو ماشوم او پروني مې کړه
****
ماته په کټ کټ په خندا شه مورې
لاسونه پورته په دوعا شه مورې
پردي وطن مسافرو وخوړم
دغربت ژوند په ناکردو وخوړم
****
مورجانې نوم ته دې سلام کومه
ستا دديدن اميد مدام کومه
تا دټولڼۍ ډاکتران ١*وروزل
ډير احترام ستا دمقام کومه
****
اې دټولنۍ قهرمانې مورې
په زړه منلې راته ګرانې مورې
ستا قدمو ته سپيلنۍ شمه ز ه
ته دحفيظ دزړه ارمان يې مورې

زما مور دهغو قهرمانو ميندو دجملې څخه يوه مور ده چې خپل ټولنۍ ته د پينځه ډاکټرانو دروزنۍ وياړ لري

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery