ځيني ژورنالستان او ليکوال، د ژبي د � سوچه کولو � په هيله هڅه کوي، چي د دوی په
ګومان د هري پردۍکليمې په وړاندي خپله موزونه يا ناموزونه پښتو کلیمه دود کړي . په
دې کار کي کله کله د دوو نسبتاً بېلو مفهومونو له پاره هم يو ټکی کاروي؛ او په دې
ډول د خپلي ژبي لمن تنګوي . له دغه ډول ټکو څخه يو هم د عربي ژبـــــــــي د �
انتصـــــاب � او � انتخاب � لغتونه دي . لکه څنګه چي پوهېږو � انتخاب � د چاڼ کولو،
غوره کولو يا په سياسي او حقوقي مفهوم د خلګو له منځه د يوه کار له پاره د چا د
ټاکلو په مـــــانــــــا دﺉ ( عميد ۱: ۲۸۰ ) . په انګرېزي کي د� انتخاب � له پاره
د � Choose او Elect � ټکي کاريږي .
د � انتصاب � عربي ټکی د درېدو، کارکولو، ګومارلو، مقرر کولو يا منصوبولو په مفهوم
دﺉ ( عميد ۱: ۲۸۱ ) چي په انګرېزي کي هغه ته د � Appointment � ټکی کاروي . د دې د
دوو ټکو په حقوقي مفهوم کي ډېر توپير سته . موږ نسو کولای د پارلمان وکيل او يوه
غير انتخابي کس دواړو ته د � ټاکلو � ټکی استعمال کړو؛ ځکه د پارلمان وکيل اصولاً د
خلګو له خوا غوره کيږي؛ او نور غېرانتخابي کارکوونکي لکه وزير، معين، رييس، مدير او
نور د حکومت له خوا ټاکل کيږي . د دولتي او خصوصي کارکوونکو يا بل هر چاپه � ټاکنه
� يا � ټاکلو � کي د انتخاب يا غوره کولو حقوقي مانا نه ده نغښې، په بله ژبه د �
ټاکلو � ټکی اصلاً دا خبره نسي بيانولای، چي د پام وړ کس د خلګو په رايه تر مقامه
رسېدلئ دﺉ که د چارواکو په خوښه ؟ بالعکس د انتخاب او انصاب عربي ټکي له ورايه ښيي،
چي ټاکل سوي کسان د خلګو له خوا غوره سوي دي که د چارواکو له خوا. په دې ډول که د
دواړو له پاره د � ټاکلو � کليمه کار کړو، په حقيقت کي مو د انتخاب ( د خلګو له خوا
په رايو غوره کول ) او انتصاب ( بې رايي اخيستني تعيين کول يا مقررکول ) تر منځ هيڅ
توپير ونه کړ . حال دا چي، د دې دوو ټکو تر منځ په مانا کي لوی فرق سته . په دې ډول
� د ټاکنو قانون �، � پلانی پر پلاني مقام وټاکل سو � او داسي نوري جوملې د
لوستونکي او اورېدونکي په ذهن کي التباس او ګډوډي پيدا کوي . په دې کي هيڅ بدي نسته،
چي موږ هم د انتخاباتو دخيله؛ خو ډېره پخوانۍ، مروجه او عامه کليمه په خپله ژبه او
ادبياتو کي خوندي کړو . همدا اوس په عربي، پارسي، اردو او ځینو نورو ژبو کي د
انتخاب او انتخاباتو ټکي په پراخه توګه کاريږي . موږ هم اړتيا نه لرو، چي په خلګو
کي دا زړې او اشنا کليمې د پرديتوب په ګونا و باسو؛ او پر ځای يې ستونزمن پښتو ټکي
وړاندي کوو . د دې استدلال پر بنسټ دا عامه، اسانه او په زړه پوري ده، چي د ټاکنو د
قانون پر ځای د � انتخاباتو قانون � او د ټاکنيزو مبارزو پر ځای انتخاباتي مبارزې/
منډي ترړي و وايو . د منتخب شخص له پاره � غوره سوی استازی � � انتخاب سوی استازی �
يا په لنډ ډول � استازی � او د حکومتي واکمنانو له خوا ګومارل سوي کس/ کسانو ته د �
ټاکل سوي/ ټاکل سوو � يا � ګومارل سوي/ ګومارل سوو � ترکيبونه استعمال کړو . دا ځکه
چي انتخاب او انتصاب دوه بېل لغوي او حقوقي مفهومونه دي او بايد سره ګډ نه سي .
