 |
بېګاه مې مړ پۀ خوب ليدلې ~ سبامې سرو شونډوپتری نيولی وونه بېګامې يارسره وعده ده ~ دلاس بنګړي مې پۀ لتو تړلي دينه بېګانۍ شپه بۀ بيا رانۀ شي ~ چې درسته شپۀ ديار غېږ کې شرنګېدمه بېلتانۀ بېل پسې راوخست ~ چېرته زما ديارۍ بند وؤ وران يې کنه بېلتانۀ څۀ چارې راوکړې ~ چې تمامي عمر بې ياره تېرومه بېلتانۀ غرونه پۀ ژړاکړل ~ ځکه دځمکې پۀ سرډکې ولې ځينه بېلتانۀ نوی ښارابادکړ ~ کۀ څوک دغم سوداکوي ورته دې ځينه بېلتانۀ وسوم غم ايرې کړم ~ رضادباد ده چې مې هرلورې ته وړينه بېلتانۀ وسوم هجران چورکړم ~ څودوصال لښکر راځي قيامت بۀ شينه بېلتون بۀ خدای زده کله راشي ~ زړۀ مې دپاڼې پۀ څېر اوس ورپېدنه بېلتون پۀ جګه غونډۍ ناست دی ~ قلم پۀ لاس کې دوه مين جلاکوينه بېلتون پۀ سپين اس باندې سوردی ~ نيزه بازي پۀ مينانوباندې زدۀ کوينه بېلتون پۀ لويوغرو وراوخوت ~ ماويل څۀ دي دۀ ويل کوردې ورانومه بېلتون پرما نۀ دی چې ژاړم ~ بيلتون شمال دی هره ونه ښوروينه بېلتون پۀ تنګه کوڅه راغی ~ ماويل سلام دی ده وې کوردې ورانومه بېلتون پۀ هر چا مېلمه کېږي ~ پرماچې راشي تېروي مياشتې کلونه بېلتون پۀ اصل شازاده دی ~ چې هرګړۍ ماته جانان رايادوينه بېلتون پۀ باندې ډېرکلک دی ~ پۀ عاشقانو تل مدام کوي ظلمونه بېلتون پۀ لوړوغرونوراغی ~ راکوزيې مه کړي موراولورجلاکوينه بېلتون پۀ لوی درياب لاهوکړم ~ کښتۍ دوصال ماله راوله مينه بېلتون پۀ منځ دکوڅې راغی ~ پۀ مينه ګيرهلکان ډزې پۀ کوينه بېلتون ته وايه لاس دې خلاص دی ~ يارخودې بېل کئ نوردې څۀ له لاسه شينه بېلتون جګړې لره راغلی ~ ځان له د وسپنې کلاراګرځومه بېلتون چې شته خوشالې نۀ شته ~ ځکه تمام عمر پۀ غم کې تېرومه بېلتون خنجرپۀ لاس ولاړدی ~ زۀ ناڅاپي پۀ لاره تلم زخمي يې کړمه بېلتون خنجرؤدپولادو ~ پۀ زړۀ مې خښ شوعرغړې دوينوکړمه بېلتون دباب راباندې وکړ ~ زۀ ژړغونی ديارخواته ودرېدمه بېلتون دزړۀ په سر سوری کړم ~ پۀ تورلحد کې بۀ ښېراورته کومه بېلتون دزړۀ پۀ سر سوری کړم ~ ځکه مې اوښکې پۀ سپين مخ وهي موجونه بېلتون دشنې لښتې ګوزاردی ~ رب دې وړوکې جنکۍ ترې وساتينه بېلتون دغم ګاڼۍ ته ورکړم ~ پۀ ځای دتېلو رانه اوښکې تويوينه بېل دکښې پۀ ښارراګډ شو ~ نارې وهي چې دوه مين جلاکوينه بېلتون دمينې سوداګردی ~ داشناقدرپۀ اشناپيداکوينه بېلتون دې هسې لېونی کړم ~ پۀ غروکې ګرزم خپل پردی نۀ پېژنمه بېلتون رباب پۀ لاس کې راکړ ~ اوس بې دخيال پۀ ګوتوزۀ وشرنګومه |
 |
 |
 |
