د مالیې وزارت سرپرست او د زېربناء په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د وږې میاشتې په ۷ مه نېټه د اسیا پراختیایي بانک د انرژۍ سکټور له ستر متخصص ښاغلي لي ژانګ، سره د مالیې په وزارت کې وکتل.
په دې کتنه کې چې د افغانستان برېښنا شرکت لوی رئیس ښاغلي امان الله غالب، هم شتون درلود، د اسیا پراختیایي بانک د انرژۍ سکټور ستر متخصص ښاغلي لي ژانګ، د مالیې وزارت سرپرست ته له ازبکستان څخه افغانستان ته د ۵۰۰ کیلو ولټه برېښنا مزي لېږدولو، بودیجوي او تطبیقي مسایلو په اړه مفصل معلومات ورکړل.
د مالیې وزارت سرپرست، د نوموړي بانک د انرژۍ سکټور له ستر متخصص څخه چې د یادې پروژې په اړه یې معلومات ورکړل د مننې ترڅنګ وویل، چې د دې مزي غځول به تر ډېره بریده د انرژۍ له پلوه د خلکو ستونزې هواري کړي.
د ناستې په پای کې د مالیې وزارت سرپرست، د اسیا پراختیایي بانک او د افغانستان برېښنا شرکت ترمنځ له ازبکستان څخه افغانستان ته د ۵۰۰ کلیو ولټه برېښنا مزي د لېږدولو هوکړه لیک لاسلیک شو.
د دې مزې د لېږدولو لګښت ۱۲۰ میلیونه امریکایي ډالره دی، چې ۱۱۰ میلیونه امریکایي ډالره یې د اسیا پراختیایي بانک له لوري په وړیا توګه او ۱۰ میلیونه نور د افغانستان حکومت له لوري (د املاکو د استملاک او امنیت ټینګښت) لپاره ورکول کېږي، ټاکل شوي دغه پروژه د دوو کالو په اوږدو کې بشپړه ش